मिति २०८१ मंसिर १९ गते सिद्धार्थ क्लब पोखराले क्लबका अध्यक्ष देवेन्द्र पराजुलीको सभाधयक्षतामा रुपा गाउँपालिका–५ रामादी स्थित श्री वीरेन्द्र आधारभूत विध्यालयमा न्यानो कपडा वितरण कार्यक्रम सम्पन्न गरेको छ ।

कार्यक्रममा मन्तव्य राख्दै सभाध्यक्ष देवेन्द्र पराजुलीले कार्यक्रमले सरकारी विद्यालयमा विद्यार्थीहरुको पठन पाठनको बातावरणमा सहयोग पुर्याउनुका साथै जाडो मौसमका कारण हुन सक्ने स्वास्थ्य समस्यालाई न्यूनिकरण गर्न सहयोग पुग्ने विश्वास व्यक्त गर्नु भयो । विध्यालय व्यवस्थापन समितिका अध्यक्ष तिर्थ बहादुर गुरुङ्गले सहयोगका कार्यक्रमहरुले विद्यालयमा विद्यार्थीहरुको नियमिततामा सुधार भएको जानकारी गराउदै गुणस्तर शिक्षा सेवामा विद्यालय प्रतिवद्ध रहेको भनाइ व्यक्त गर्नुभयो । कार्यक्रममा विद्यालयका प्रधानाध्यापक कल्पना शर्मा सुबेदी ले कार्यक्रमले विद्यार्थीहरुको पठन पाठनमा सहयोग पुग्ने भनाई राख्दै विपन्न पिछडिएका समुदायका वालवालिकाहरुको वाहुल्यता रहेकोे वीरेन्द्र आ.वि विद्यालयलाई निरन्तर सहयोग गर्न अनुरोध गर्नुभयो ।  कार्यक्रममा विद्यालयका २२ जना बालबालिकाहरुको लागी स्विटर, टोपी, मोजा सहयोग गरिएको थियो । क्लबका सचिव प्रमोद नारायण श्रेष्ठले संचालन गर्नुभएको कार्यक्रममा प्रथम उपाध्यक्ष सुनिल श्रेष्ठले स्वागत मन्तव्यका साथै कार्यक्रम माथि प्रकाश पार्नुभएको थियो ।

मिति २०८१ श्रावण १९ गते सिद्धार्थ क्लब पोखराको आ.ब. २०८१÷८२ का लागी नव निर्वाचित कार्यसमितिको पदस्थापन समारोह पोखरा महानगरपालिका वडा नं ८ का अध्यक्ष रुद्रनाथ बरालको प्रमुख आतिथ्यता तथा क्लबका अध्यक्ष ईन्दिरा मर्सानी श्रेष्ठको अध्यक्षतामा पोखरा ९ न्यूरोड स्थित सिटि स्क्वायर व्याङक्यूटको वेगनास सभाहलमा  सम्पन्न भयो । कार्यक्रममा संस्थाको बार्षिक बुलेटिन सिद्धार्थ आवाज प्रमुख अतिथि ज्यूले विमोचन गर्नुभएको थियो ।

कार्यक्रममा मन्तव्य राख्दै प्रमुख अतिथि रुद्रनाथ बरालले क्लबले शिक्षाको क्षेत्रमा प्रोत्साहित गर्ने सराहनिय कार्यक्रमहरु गरेको चर्चा गर्दै आगामि दिनमा स्वरोजगार सृजना गर्ने कार्यक्रमहरु गर्न आग्रह गर्नुभयो । क्लबका अध्यक्ष इन्दिरा मर्सानी श्रेष्ठले आफनो दक्षताले क्लबको छबि उच्च राख्ने कार्यमा प्रतिवद्ध भई आफनो कार्यकाल सम्पन्न गरेको जानकारी गराउदै नवनिर्वाचित कार्यसमितिको सफलताको कामना व्यक्त गर्नुभयो । कार्यक्रममा पोखरा उद्योग वाणिज्य संघका वाणिज्य उपाध्यक्ष उत्तममान वुद्धाचार्य, महिला अधिकारका लागि राष्ट्रिय अभियानका अध्यक्ष शोभा आचार्यले मन्तव्य राख्नुभएको थियो ।

कार्यक्रममा सिद्धार्थ आवाज बुलेटिन विमोचन गरिनुका साथै देवेन्द्र पराजुलीको अध्यक्षतामा  प्रथम उपाध्यक्ष सुनिल श्रेष्ठ, द्वितिय उपाध्यक्ष नवराज कुमार गोठाजु, सचिव प्रमोद नारायण श्रेष्ठ, निर्देशक राम नारायण श्रेष्ठ, सह सचिव योजना मर्सानी र कार्यसमिति पदमा जमुना अधिकारी तिमिल्सिना रहने गरि आ.ब. २०८१।०८२ का लागि निर्वाचित भएको समितिलाई पदस्थापन गराइएको थियो । कार्यक्रममा कार्यक्रम संयोजक र सहयोगी दाताहरुलाई मायाको चिनो, योग्य सदस्यलाई आजिवन सदस्यता प्रदान, शैक्षिक सत्र २०८० मा एस.ई.ई उत्तिर्ण क्लब सदस्यका छोरा छोरी तथा बाल शैक्षिक कार्यक्रम अन्तर्गत अध्ययनरत विद्यार्थीहरुलाई सम्मान गरिएको थियो ।

सचिव विनोद प्रसाद श्रेष्ठले संचालन गर्नुभएको कार्यक्रममा निर्देशक तथा पदस्थापन कार्यक्रमका संयोजक रवि मर्सानीले उपस्थित सम्पूर्ण महानुभावहरुलाई स्वागत गर्नुभएको थियो ।

पोखरा जेठ ३१

सिद्धार्थ क्लब पोखराले रुपा गाउँपालिका वडा नं ५ का वडा सदस्य श्री रामकृष्ण बसौला ज्यूको प्रमुख आतिथ्यतामा रुपा गाउँपालिका–५ रामादी स्थित श्री वीरेन्द्र आधारभूत विध्यालयमा विद्यालय पोशाक तथा स्टेशनरी सामग्री वितरण कार्यक्रम सम्पन्न गरेको छ ।

कार्यक्रममा मन्तव्य राख्दै प्रमुख अतिथि रामकृष्ण बसौलाले क्लबलेविद्यालयलाई गरेको सहयोग प्रति धन्यबाद व्यक्त गर्दै सहयोगले विद्यार्थीहरुको विद्यालय आगमनमा निरन्तरता र गुणस्तरीय शिक्षा प्रदानमा सहयोग पुग्ने भनाई राख्नु भयो । यसैगरी सिद्धार्थ क्लबका अध्यक्ष ईन्दिरा मर्सानी श्रेष्ठले कार्यक्रमले सरकारी विद्यालयमा विद्यार्थीहरुको संख्या वृद्धिदरमा सहयोग पुर्याउने विश्वास  व्यक्त गर्दै गुणस्तरीय शिक्षा प्रदान गर्ने कार्यमा क्लबको सदैव सहयोग रहने भनाइ राख्नु भयो । कार्यक्रममा विद्यालयका प्रधानाध्यापक शोना कुमारी यादवले कार्यक्रमले विद्यार्थीहरुको पठन पाठनमा सहयोग पुग्ने भनाई राख्दै विपन्न पिछडिएका समुदायका वालवालिकाहरुको वाहुल्यता रहेकोे वीरेन्द्र आ.वि विद्यालयलाई निरन्तर सहयोग गर्न अनुरोध गर्नुभयो ।  कार्यक्रममा विद्यालयका २२ जना बालबालिकाहरुको लागी विद्यालय पोशाक (सर्ट, पाइन्ट÷फर्क एक एक जोर) का साथै आवश्यक कापी, पेन्सील, इरेजर, कटर, लगाएतका शैक्षिक सामग्री, सहयोग गरिएको थियो । कार्यक्रममा सहयोग गरिएको पोशाक चिप्लेढुङ्गा पोखरा निवासी समाजसेवीद्धय युगेन पालिखे र मन्दिरा श्रेष्ठबाट सौजन्य प्राप्त भएको थियो । क्लबका सचिव विनोद प्रसाद श्रेष्ठले संचालन गर्नुभएको कार्यक्रममा प्रथम उपाध्यक्ष देवेन्द्र पराजुलीले स्वागत र निर्देशक रवि मर्सानीले कार्यक्रम माथि प्रकाश पार्नुभएको थियो ।

पोखरा जेठ २३

सिद्धार्थ क्लब पोखराको आयोजनामा रुपा गाउँपालिका ४ सिद्ध ढुङ्गागाडे, स्थित श्री महेन्द्र आधारभूत विध्यालयमा रुपा गाउँपालिका वडा नं ४ का अध्यक्ष श्री मुकुन्द बहादुर बंशील ज्यूको प्रमुख आतिथ्यतामा  विद्यालय पोशाक तथा स्टेशनरी सामग्री वितरण कार्यक्रम सम्पन्न भएको छ ।

कार्यक्रममा मन्तव्य राख्दै प्रमुख अतिथि श्री मुकुन्द बहादुर बंशीले वितरण गरिएको सामग्रीहरुको सही सदुपयोग गर्न र विद्यार्थीहरुको पठन पाठनको वातावरण घरमा पनि निर्माण गरिदिन अभिभावक ज्यूहरुलाई अनुरोध गर्नुभयो । कार्यक्रममा सिद्धार्थ क्लबका अध्यक्ष ईन्दिरा मर्सानी श्रेष्ठले विद्यालयमा विद्यार्थीहरुको नियमितता र संख्यामा बृद्धी हुनेमा विश्वास व्यक्त गर्दै गुणस्तरीय शिक्षा प्रदान गर्ने कार्यमा विद्यालय परिवार प्रतिवद्ध भई अगाडि बढन अनुरोध गर्नुभयो । त्यसैगरि कार्यक्रममा क्लबका पूर्व अध्यक्ष एवं समाजसेवी ज्ञानेश्वरराज श्रेष्ठले सहकार्य र सहयोगबाट सामाजिक रुपान्तरण र विकाश सम्भव हुने भनाई राख्दै सिद्धार्थ क्लब मार्फत आफुले विध्यालयलाई सहयोग गर्दै गर्ने प्रतिवद्धता व्यक्त गर्नुभयो । विद्यालयका प्रधानाध्यापक राज बहादुर बंशीले क्लबको सहयोगले विद्यार्थीहरुको पठन पाठनमा सहयोग पुगेको भनाई राख्दै विध्यार्थी भर्ना दर र गुणस्तरीय शिक्षा प्रदानको कार्यमा आफुहरु प्रतिवद्ध रहेको भनाई व्यक्त गर्नुभयो ।

कार्यक्रममा ३६ विद्यार्थीहरुका लागी विद्यालय पोशाक (सर्ट, पाइन्ट÷फर्क दुइ दुइ जोर) का साथै आवश्यक कापी, पेन्सील, इरेजर, कटर, लगाएतका शैक्षिक सामग्री, सहयोग गरिएको थियो । कार्यक्रममा सहयोग गरिएको पोशाक क्लबका पूर्व अध्यक्ष एवं समाजसेवी श्री ज्ञानेश्वर राज श्रेष्ठबाट आफ्नो जन्मोत्सवको उपलक्ष्यमा सौजन्य प्राप्त भएको थियो । क्लबका सचिव विनोद श्रेष्ठले संचालन गर्नुभएको कार्यक्रममा क्लबका प्रथम उपाध्यक्ष देवेन्द्र पराजुलीले सहभागीहरुलाई स्वागत गर्नुभएको थियो ।

पोखरा जेठ २०

सिद्धार्थ क्लब पोखराको आयोजनामा रुपा गाउँपालिका ५ देउराली, खडागाउँ स्थित श्री भैरवी आधारभूत विध्यालयमा रुपा गाउँपालिका वडा नं ५ का  वडा अध्यक्ष श्री राजन खनाल ज्यूको प्रमुख आतिथ्यतामा  विद्यालय पोशाक तथा स्टेशनरी सामग्री वितरण कार्यक्रम सम्पन्न भएको छ ।

कार्यक्रममा मन्तव्य राख्दै प्रमुख अतिथि राजन खनालले क्लबले रुपा गाउँपालिका वडा नं ५ का विद्यालयहरुमा गरेको सहयोगका कार्यक्रमहरुको प्रशंसा गर्दै सरकारी विद्यालय सम्पूर्ण गाउँबासीकै विद्यालय भएको हुदाँ विद्यालय प्रति अपनत्व व्यक्त गर्दै बालबालिकाहरुलाई सरकारी विद्यालयमा अध्ययन गर्न आफनो मन फराकिलो पार्न अभिभावक, शिक्षकहरुमा अनुरोध गर्नुभयो । कार्यक्रममा सिद्धार्थ क्लबका अध्यक्ष ईन्दिरा मर्सानी श्रेष्ठले क्लबको  कार्यक्रमले विद्यालयमा विद्यार्थीहरुको नियमितता र भर्नादरमा बृद्धी हुनका साथै गुणस्तरीय शिक्षा प्राप्तिमा सहयोग हुने विश्वाश व्यक्त गर्नुभयो । त्यसैगरि कार्यक्रममा विद्यालय व्यवस्थापन समितिका अध्यक्ष केयर सिंह गुरुंङ र विद्यालयका प्रधानाध्यापक श्याम कृमार श्रेष्ठले क्लबको सहयोग विद्यालयलाई महत्वपूर्ण रहेको, सहयोगले गुणस्तरीय शिक्षा प्राप्ति र विद्यार्थीहरुको संख्या बृद्धिदर मा सहयोग पु¥याउने विश्वास व्यक्त  गर्नुभयो ।

कार्यक्रममा २८ विद्यार्थीहरुका लागी विद्यालय पोशाक (सर्ट, पाइन्ट÷फर्क) का साथै आवश्यक कापी, पेन्सील, इरेजर, कटर, लगाएतका शैक्षिक सामग्री, सहयोग गरिएको थियो । कार्यक्रममा सहयोग गरिएको पोशाक क्लबका सचिव विनोद प्रसाद श्रेष्ठ र समाजसेवी मन्दिरा श्रेष्ठको परिवार बाट सौजन्य प्राप्त भएको थियो । क्लबका सचिव विनोद श्रेष्ठले संचालन गर्नुभएको कार्यक्रममा क्लबका निर्देशक रवि मर्सानीले सहभागीहरुलाई स्वागत गर्नुभएको थियो ।

मिति २०८१ जेठ ७ गतेसिद्धार्थ क्लब पोखराको आयोजनामा रुपा गाउँपालिका ५ देउरालीफेदी स्थित श्री गाउँफर्क आधारभूत विध्यालयमा रुपा गाउँपालिका वडा नं ५ का कार्यवाहक वडा अध्यक्ष श्री कुमारी गुरुङ ज्यूको प्रमुख आतिथ्यता तथा वडा सदस्य पानमाया परियार ज्यूको विशेष उपस्थितमा विद्यालय पोशाक तथा स्टेशनरी सामग्री वितरण कार्यक्रम सम्पन्न भएको छ ।

कार्यक्रममा मन्तव्य राख्दै प्रमुख अतिथि कुमारी गुरुङज्यूले क्लबको सहयोगले विद्यार्थीहरुको पठन पाठनमा ठुलो सहयोग पुगेको भनाइ राख्दै वडाका अन्य विद्यालयहरुमा पनि यस प्रकारको कार्यक्रम आयोजना गर्न अनुरोध गर्नुभयो । कार्यक्रममा सिद्धार्थ क्लबका अध्यक्ष ईन्दिरा मर्सानी श्रेष्ठले क्लबको  कार्यक्रमले विद्यालयमा विद्यार्थीहरुको नियमितता र भर्नादरमा बृद्धी हुनका साथै गुणस्तरीय शिक्षा प्राप्तिमा सहयोग हुने विश्वाश व्यक्त गर्नुभयो । त्यसैगरि कार्यक्रममा विद्यालय व्यवस्थापन समितिका अध्यक्ष दिपक बहादुर अधिकारी र विद्यालयका प्रधानाध्यापक पार्वती ढुङ्गानाले क्लबको सहयोग विद्यालयलाई महत्वपूर्ण रहेको भनाई राख्दै सहयोगले गुणस्तरीय शिक्षा प्राप्तिमा सहयोग पु¥याउने विश्वास व्यक्त गर्नुभयो ।

कार्यक्रममा ४१ विद्यार्थीहरुका लागी विद्यालय पोशाक (सर्ट, पाइन्ट÷फर्क) का साथै आवश्यक कापी, पेन्सील, इरेजर, कटर, लगाएतका शैक्षिक सामग्री, सहयोग गरिएको थियो । कार्यक्रममा सहयोग गरिएको पोशाक क्लबका अध्यक्ष ईन्दिरा मर्सानी श्रेष्ठ र सल्लाहकार समिति संयोजक अनिल श्रैष्ठको परिवार बाट सौजन्य प्राप्त भएको थियो । क्लबका सचिव विनोद श्रेष्ठले संचालन गर्नुभएको कार्यक्रममा क्लबका निर्देशक रवि मर्सानीले सहभागीहरुलाई स्वागत गर्नुभएको थियो ।

पोखरा, चैत्र  ९

सिद्धार्थ क्लब पोखराले श्री बाराही माध्यमिक विद्यालय, पोखरा–५ मालेपाटनका प्रद्यानाध्यापक श्री शिव प्रसाद भण्डारी ज्यूको प्रमुख आतिथ्यतामा बाराही मा.विको सभाहलमा रक्तदान उत्प्रेरित अभिमुखिकरण कार्यक्रम सम्पन्न गरेको छ ।

कार्यक्रममा मन्तव्य राख्दै प्रमुख अतिथि श्री शिव प्रसाद भण्डारीज्यूले क्लबले विद्यालयमा शैक्षिक, भौतिक सहयोगका कार्यक्रमहरु गर्दै आइरहेको जानकारी गराउँदै मानवीय सेवाको पुण्य कार्यमा अभिप्रेरित गर्न अभिमुखिकरण कार्यक्रमले सहयोग पुर्याउने विश्वास व्यक्त गर्नुभयो । क्लबका अध्यक्ष ईन्दिरा मर्सानी श्रेष्ठले क्लबले स्थापना काल देखीनै रक्तदान कार्यक्रमको आयोजना गरी रक्तदान सम्बन्धी जनचेतना फैलाउदै आएको बारे चर्चा गर्दै विध्यालय केन्द्रित उत्प्रेरित अभिमुखिकरण कार्यक्रमले विद्यार्थी मार्फत परिवार र समाजनै रक्तदान गर्न उत्साहित रहने विश्वास व्यक्त गर्नुभयो ।

बाराही माध्यामिक विद्यालयका कक्षा ११ र १२ का १२० जना विद्यार्थी सहभागी रहेको कार्यक्रममा नेपाल रेडक्रस सोसाईटी कास्की, प्रादेशीक रक्त संचार सेवाका वरिष्ठ प्राविधिक महेन्द्र के.सी र नर्स यमुना के.सीले रक्तदानको महत्व र आवश्यक्ताबारे अभिमुखिकरण गर्नुभएको थियो । कार्यक्रम क्लबका सचिव विनोद प्रसाद श्रेष्ठले सञ्चालन गर्नुभएको थियो भने क्लबका निर्देशक रवि मर्सानीले स्वागत मन्तव्यका साथै कार्यक्रम माथि प्रकाश पार्नुभएको थियो ।

चैत्र १, पोखरा

सिद्धार्थ क्लब पोखराको आयोजना, सिद्धार्थटोल टोल विकास संस्था, भवानी आमा समूह,  बगालेटोल दिदी बहिनी समूहको सह–आयोजना र ने.रे.सो. कास्की प्रदेशीय रक्त संचार सेवा, पोखराको प्राविधिक सहयोगमा पोखरा–४ मानवअधिकार चोकमा ६६ यूनिट रक्त संकलन गरी रक्तदान कार्यक्रम सम्पन्न भएको छ ।

कार्यक्रमका प्रमुख अतिथि पोखरा महानगरपालिका वडा नं ८ का अध्यक्ष रुद्रनाथ बरालले प्रथम रक्तदाता तथा क्लबका कोषाध्यक्ष सुनिल श्रेष्ठलाई ब्लड व्याग हस्तान्तरण गरी रक्तदान कार्यक्रम शुभारम्भ गर्नुभएको थियो ।

कार्यक्रममा प्रमुख अतिथि रुद्रनाथ बरालले सिद्धार्थ क्लबको बाल,शिक्षा, महिला स्वास्थ्य लक्षित कार्यक्रमहरुको प्रशंसा गर्दै क्लबका सामाजिक रुपान्तरणका कार्यक्रमहरुमा वडा कार्यलयबाट सहयोग रहने प्रतिवद्धता व्यक्त गर्नु भयो । साथै उहाले कार्यक्रमको सफलताको शुभकामना व्यक्त गर्नुभयो ।

समाजमा रगतको आवश्यकता भएको बेला रगत अभावकै कारणले हुन सक्ने मानवीय क्षतिलाई न्यूनिकरण गर्ने उद्येश्य राखी क्लबले स्थापना काल २०४१ साल देखीनै नियमित तथा आकस्मिक रक्तदान कार्यक्रम गर्ने गरेको जानकारी गराउँदै सभाध्यक्ष ईन्दिरा मर्सानी श्रेष्ठले सहयोगी संस्था, शुभचिन्तक एवं रक्तदान गर्ने सम्पूर्ण दाताहरुलाई धन्यबाद ज्ञापन गर्नुभयो ।

संयोजक दिनेश श्रेष्ठको संयोजकत्वमा सम्पन्न कार्यक्रममा स्वागत मन्तव्य क्लबका प्रथम उपाध्यक्ष देवेन्द्र पराजुलीले राख्नुभएको थियो भने कार्यक्रम सञ्चालन सचिव विनोद प्रसाद श्रेष्ठले गर्नुभएको थियो ।